Asteartea 29. Zertarako balio du adimen artifizialak? Eta itsasoko eolikoa edo aerosorgailuak? Zer da ordenagailu kuantiko bat, eta zertarako balio du? Eta nanozientzia? Nork egiten du? Non? Galdera guzti hauei gaur erantzuna emango zaie hiriko hainbat ikastetxetan. Izan ere, WeekINN Donostiako zentro teknologiko eta zientifikoekin lankidetzan aritzeagatik nabarmentzen da. Zentro horiek ikastetxe eta ikastolei bisita egingo diete, edo ateak irekiko dituzte, modu didaktikoan zer egiten duten jakin dezagun.
Eta lankidetzaz eta loturaz ari garela, gaur goizean Ekinn eraikuntza startupak, ekintzaileak, enpresak eta ekintzailetzarekin eta berrikuntzarekin lotutako erakundeak lotzeko gune bihurtuko da. EKINN Entrepreneurship Summit-ean, startupek hazteko eta eskalatzeko dituzten erronkak aztertuko ditugu, inbertitzaileekin eta enpresekin izango dituzten bilerak ere bertan izango baitira.
EKINN FESTren programazio osoa, esteka honetan. EKINN Fest.